ഇരിങ്ങാലക്കുട: ബൈബിള് പാരായണം സമൂഹത്തില് നന്മകള് വിടർത്താൻ ഇടയാക്കുമെന്ന് കെസിബിസി വൈസ് ചെയര്മാനും ഇരിങ്ങാലക്കുട ബിഷപ്പുമായ മാര് പോളി കണ്ണൂക്കാടന് പറഞ്ഞു.
കെസിബിസിയുടെ ബൈബിള് പാരായണ മാസാചരണത്തിന്റെ സംസ്ഥാനതല ഉദ്ഘാടനം ഇരിങ്ങാലക്കുട രൂപതയിലെ കാറളം ഹോളി ട്രിനിറ്റി ദേവാലയത്തില് നിര്വഹിച്ച് സംസാരിക്കുകയായിരുന്നു ബിഷപ്.
അറേബ്യന് നാടുകളിലെ നിയുക്ത അപ്പസ്തോലിക് വിസിറ്റര് മോണ്. ജോളി വടക്കന്, സംസ്ഥാന കെസിബിസി ബൈബിള് കമ്മീഷന് സെക്രട്ടറി ഫാ. ജോജു കോക്കാട്ട്, ഇരിങ്ങാലക്കുട രൂപത ബൈബിള് അപ്പസ്തോലേറ്റ് ഡയറക്ടര് ഫാ. ജോസഫ് വിതയത്തില്, അസി. ഡയറക്ടര് ഫാ. ജീസണ് കാട്ടൂക്കാരന്, കൈക്കാരന്മാരായ ലൂജി ചാക്കേരി, പോള്സണ് വടക്കേത്തല, കേന്ദ്രസമിതി പ്രസിഡന്റ് ആഡ്രൂസ് തേക്കാനത്ത്, സിസ്റ്റര് ടീന, സിസ്റ്റര് ലിസ തെരേസ് എന്നിവര് നേതൃത്വം നല്കി.
ഇടവകയിലെ മുഴുവന് അംഗങ്ങളും ചേര്ന്ന് 25 ദിവസത്തിനുള്ളില് 95 മണിക്കൂര് സമയമെടുത്ത് സമ്പൂര്ണ ബൈബിള് പാരായണം നടത്തുമെന്ന് വികാരി ഫാ. ജീസണ് കാട്ടൂക്കാരന് അറിയിച്ചു.
E-paper LOGIN
LOGIN
